NOR GARA
Altsasuko Institutua, Sakanan (Altsasun) kokatua dagoen Bigarren Hezkuntzako eta Batxillergoko ikastetxea da. Institutuan, A eta D ereduak eskaintzen dira, horietatik ⅙ gaztelaniazko A eredukoak. DBH1etik DBH4ra bitarteko mailak eskaintzen dira, baita Batxillergoko lehen eta bigarren mailak ibilbide guztietan, artistikoan izan ezik. 600 ikasle inguruk eta 80tik gora irakaslek osatzen dute ikastetxeko hezkuntza komunitatea.
Konpetentzien eta edukien garapenaz gain, gure helburu nagusi dira: bizikidetza, inklusioa, ingurumena, digitalizazioa, sormena eta euskara. Horretaz gain erabateko konpromisoa dugu bizi garen bailararekiko Sakanarekiko. Altsasun kokatua dagoen arren, ikastetxeak bailarako herri guztietako ikasleak hartzen ditu: Ziordia, Olazti, Altsasu, Urdiain, Iturmendi, Bakaiku, Etxarri, Arbizu, Ergoiena, Lakuntza, Arruazu, Uharte, Irañeta eta Arakil.